ಪಾರಿಜಾತದ ಬಿಕ್ಕಳಿಕೆ

Description

ಬದುಕಿನಲ್ಲಿ ಪ್ರತಿನಿತ್ಯ ಬಂದು ಹಾಗೆಯೇ ಹಾದುಹೋಗುವ ಭಾವನೆ, ಸ್ಪಂದನ, ನೆನಪು, ತಲ್ಲಣಗಳನ್ನು ಹಿಡಿದಿಟ್ಟಿವೆ ಉಷಾ ಕಟ್ಟೆಮನೆಯವರ ‘ಪಾರಿಜಾತದ ಬಿಕ್ಕಳಿಕೆ’ಯ ಪ್ರಬಂಧಗಳು. ಪಾರಿಜಾತ ಹೂವಿನ ಶುಭ್ರ ಬಿಳುಪು, ಅದರ ಹಗುರುತನ ಹಾಗೂ ನೋವು ಎರಡೂ ಒಂದಕ್ಕೊಂದು ಬೆಸೆದು ಬಂದಿರುವ ಇಲ್ಲಿನ ಬರಹಗಳು ಹೆಣ್ಣಿನ ಅಂತಃಕರಣದಿಂದ ಪ್ರತಿಫಲನಗೊಂಡ ಬಿಂಬಗಳಾಗಿ ಮೂಡಿವೆ. ಇಲ್ಲಿ ಬರಹಗಳು ಹಗುರವಾಗಿವೆ, ನಿಜ. ಆದರೆ ಅವು ಒಳಗೊಂಡ ವಿಷಯಗಳು ಹಗುರವಲ್ಲ.