ಸಾಹೇಬರು ಬರುತ್ತಾರೆ

45.00

Add to Wishlist
Add to Wishlist
Email

Description

ಶ್ರೇಷ್ಠವಾದ ಪ್ರಹಸನಗಳು ವಾಸ್ತವದಲ್ಲಿರುವ ಅಸಂಬದ್ಧತೆಯನ್ನೂ, ಅಸಂಬದ್ಧತೆಯಲ್ಲಿರುವ ವಾಸ್ತವವನ್ನೂ, ಭಯಾನಕದಲ್ಲಿರುವ ಹಾಸ್ಯವನ್ನೂ, ಹಾಸ್ಯದಲ್ಲಿರುವ ಭಯಾನಕವನ್ನೂ ಕಾಣಿಸುತ್ತವೆ- ಎಂದೊಬ್ಬ ವಿಮರ್ಶಕ ಹೇಳುತ್ತಾನೆ. ‘ಸಾಹೇಬರು ಬರುತ್ತಾರೆ’ ಈ ಗುಣಗಳಿರುವಂತಹ ಒಂದು ಪ್ರಹಸನ. ಒಂದು ಸಾಧಾರಣ ಪೇಟೆಯ ವಾಸ್ತವವನ್ನು ಈ ನಾಟಕ ಚಿತ್ರಿಸುತ್ತದೆ. ಜತೆಗೇ ಆ ಜನರ ಅಂತಸ್ತಿನ ಕಲ್ಪನೆಯ ಅಸಂಬದ್ಧತೆಯನ್ನು ಸೂಚಿಸುತ್ತದೆ. ಅಧಿಕಾರದ ಬಗ್ಗೆ ಅವರಿಗಿರುವ ಭಯವನ್ನೂ ಕಾಣೀಸುತ್ತಲೇ ಆ ಭಯದಲ್ಲಿ ಅವರು ಸಿಕ್ಕಿ ಒದ್ದಾಡುವ ಹಾಸ್ಯಾಸ್ಪದ ಪ್ರಸಂಗಗಳನ್ನು ಚಿತ್ರಿಸುತ್ತದೆ.

ಪ್ರಹಸನ ಪ್ರಕಾರಕ್ಕೆ ಲಭ್ಯವಾಗುವ ಎಲ್ಲ ತಂತ್ರಗಳನ್ನೂ ಈ ನಾಟಕ ಬಳಸಿಕೊಳ್ಳುತ್ತದೆ- ಯಾವನೋ ಒಬ್ಬನನ್ನು ಇನ್ನೊಬ್ಬ ಎಂದು ಭಾವಿಸಿ ಗೊಂದಲಪಡುವ ವ್ಯಕ್ತಿವ್ಯತ್ಯಾಸ ಪ್ರಹಸನ: ತಾನಲ್ಲದ್ದನ್ನು ತಾನು ಎಂದು ತೋರಿಸುವ ಆರೋಪಿತ ನಡಾವಳಿಗಳ ಪ್ರಹಸನ: ಸಂದರ್ಭದ ಇಕ್ಕಟ್ಟಿನಲ್ಲಿ ಸಿಕ್ಕುಬಿದ್ದು ಹೊರಬರಲಾಗದೆ ಒದ್ದಾಡುವ ಸನ್ನಿವೇಶ ಪ್ರಹಸನ ಮತ್ತು ಸಾಮಾಜಿಕ ಅಂತಸ್ತಿನ ಮುಖವಾಡಗಳಲ್ಲಿ ಮನುಷ್ಯ ಮನುಷ್ಯನನ್ನು ಗುರುತಿಸಲಾಗದೆ ಹೋಗುವ ಬೌದ್ಧಿಕ ಪ್ರಹಸನ- ಇವಿಷ್ಟೂ ಈ ನಾಟಕದಲ್ಲಿ ಕೂಡಿಕೊಂಡಿವೆ. ಹಾಗಾಗಿಯೇ ಈ ನಾಟಕ ಹೊರಗಿಂದ ಬಂದು ಮಂಕುಬೂದಿ ಎರಚಿದ ಒಬ್ಬ ಲಫಂಗನ ಕಥೆಯಷ್ಟೇ ಆಗುವುದಿಲ್ಲ ಅಥವಾ ಕಥೆಯೂ ಆಗುವುದಿಲ್ಲ. ಬದಲು, ಇದು ಹಣ-ಅಂತಸ್ತು-ಅಧಿಕಾರಗಳ ಬೆನ್ನುಹತ್ತಿ ಸುಳ್ಳುಗಳ ಸರಮಾಲೆಯನ್ನೇ ತನ್ನ ಸುತ್ತ ಹೆಣೆದುಕೊಂಡಿರುವ ಮುಖವಾಡ ವ್ಯವಸ್ಥೆಗೆ ಮಿಂಚು ಹೊಡೆಸುವ ಕಥೆಯಾಗುತ್ತದೆ.

Reviews

There are no reviews yet.

Be the first to review “ಸಾಹೇಬರು ಬರುತ್ತಾರೆ”

Your email address will not be published. Required fields are marked *