ಯುಗಾಂತ

Description

ಯುಗಾಂತ ಭಾರತೀಯ ಗ್ರಂಥಗಳಲ್ಲಿಯೇ ಕ್ಲಾಸಿಕ್ ಎಂದು ನಾನು ತಿಳಿದಿದ್ದೇನೆ. ಇದು ಮಹಾಭಾರತದ ತರ್ಕಬದ್ಧ ನಿರಚನೆ ಮಾತ್ರವಲ್ಲ. ಮಹಾಭಾರತದ ಮಾಂತ್ರಿಕ ಶಕ್ತಿ ಕಳೆದು ಹೋಗದಂತೆ ಇರಾವತಿ ಕರ್ವೆ ಅವರು ಈ ಕೃತಿಯನ್ನು ರಚಿಸಿದ್ದಾರೆ. ವ್ಯಾಸರ ಮಹಾಭಾರತವನ್ನು ಅದರ ಉದ್ದಗಲಗಳಲ್ಲಿ ಸಂಚರಿಸಿ, ಪರಸ್ಪರ ಸಂಬಂಧಗಳನ್ನು ಗುರುತಿಸಿ ಕರತಲಾಮಲಕ ಮಾಡಿಕೊಂಡು ನಮ್ಮ ಕಣ್ಣಿಗೆ ಸ್ಪಷ್ಟವಾಗಿ ಕಾಣಿಸುವ ಮಹಾಭಾರತವನ್ನು ಸೃಷ್ಟಿಸಿದ್ದಾರೆ. ಇನ್ನೂ ಭೇದಿಸಬೇಕಾದ ರಹಸ್ಯಗಳು ಮಹಾಭಾರತದಲ್ಲಿವೆ ಎನ್ನುವ ವಿನಯ ಈ ಕೃತಿಯ ಉದ್ದಕ್ಕೂ ಕಾಣುತ್ತದೆ. ಇದು ನಮ್ಮಲ್ಲಿ ಪರಿಚಿತವಾದ ನಿರಚನೆ ಅಲ್ಲ; ಅನುಭವದಿಂದ ಹುಟ್ಟಿಬರುವ ಸಂರಚನೆ. ಈ ಪುಸ್ತಕವನ್ನು ಓದಿದವರು ಮಹಾಭಾರತದ ಮತ್ತಷ್ಟು ಶ್ರೀಮಂತ ಪಠ್ಯವನ್ನು ಓದಿದ ಅನುಭವ ಪಡೆಯುತ್ತಾರೆ. ಹೀಗೆ ಯುಗಾಂತ ಒಂದು ಕನ್ನಡಿಯೂ ಹೌದು ದೀಪವೂ ಹೌದು. ಆಶ್ಚರ್ಯವೆಂದರೆ ನಮ್ಮ ಕಾಲಕ್ಕೂ ಕನ್ನಡಿ ಮತ್ತು ದೀಪದಂತೆ ಮಹಾಭಾರತವನ್ನು ಬೆಳಸುವ ಕೃತಿ.